Tennıs: Kýkýshkın R. Garros týrnırinde biliktilik kezeńiniń ekinshi aınalymyna ótti
ASTANA. 22 mamyr. QazAqparat - Qazaqstandyq tennısshi Mıhaıl Kýkýshkın Rolan Garros týrnırinde biliktilik kezeńiniń ekinshi aınalymyna ótti, dep habarlaıdy Vesti.kz.
Kýkýshkın atalmysh jarysta belarýs sportshysy Vladımır Ignatıkke qarsy oınaǵan bolatyn. Eki saǵatqa jýyq sozylǵan matchta 7:5, 6:1 esebimen jerlesimiz jeńip shyqty. Kýkýshkınniń kelesi qarsylasy reseılik Mıhaıl Gabashvılı atanyp otyr.
Sol kúni taǵy bir qazaqstandyq tennısshi Andreı Golýbev 3:6, 3:6 esebimen kanadalyq Peter Polanskıge jol berdi.
