Tennıs: Kýkýshkın Parıj týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 54-inshi raketkasy Mıhaıl Kýkýshkın Parıj týrnırin sátti bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda reıtıngte 57-inshi satyda turǵan frantsııalyq Per-ıÝg Erbermen kúsh synasty.
Asa tartysty órbigen matchta birinshi partııada kort ıesi 6:3 esebimen basym tústi.
Osydan keıin jınaqtala bilgen M.Kýkýshkın qalǵan eki setti 6:3, 7:5 esebimen óz esebine jazdy.
Qazaqstandyq sportshy kezdesý barysynda 14 breık-poınttyń beseýin sátti paıdalana bildi. Qarsylasy sonshama breık-poınttyń tórteýin ǵana aldy.
Báseke 2 saǵat 18 mınýtqa sozyldy.
Kýkýshkın ekinshi aınalymda álemniń 9-ynshy raketkasy, amerıkalyq Djon Isnermen sheberlik baıqasady. Reıtıngisi joǵary bolǵandyqtan, D.Isner ekinshi aınalymǵa birden shyqty.
Júlde qory 5 mln AQSh dollaryna jýyqtaıtyn Parıj týrnıri 4 qarasha kúni márege jetedi. Bıyl jarysqa álemniń 1-inshi raketkasy, ıspanııalyq Rafael Nadal bastaǵan myqty tennısshiler qatysýda.
Eske sala keteıik, budan buryn Vena týrnırinde tabysty óner kórsetken M.Kýkýshkınniń dúnıejúzilik reıtıngte úzdik elýlikke jaqyndaǵanyn jazǵan bolatynbyz.
