Tennıs: Kýkýshkın Mıýnhen týrnırinde utylyp qaldy
ASTANA. QazAqparat - Mıýnhen týrnıriniń alǵashqy aınalymynda Qazaqstannyń birinshi, álemniń 96-ynshy raketkasy Mıhaıl Kýkýshkın germanııalyq Mattıas Bahıngermen kúsh synasty, dep habarlaıdy QazAqparat tilshisi.
Dúnıejúzilik reıtıngte M.Bahınger 163-inshi orynda turǵanymen, match asa tartysty órbidi. Birinshi partııada nemis tennısshisi taı-breıkte 10:8 esebimen jeńiske jetti.
Ekinshi partııada qazaqstandyq sportshy qarsylasyn 6:3 esebimen utty.
Sheshýshi, úshinshi partııada M.Bahınger dál sondaı eseppen qarymta qaıyrdy. Sóıtip 2 saǵat 46 mınýtqa sozylǵan matchta nemis sportshysy basymdylyq tanytty. Endi ol ekinshi aınalymda álemniń 22-inshi raketkasy, ońtústikkoreıalyq Chhýn Henmen kezdesedi.
Júlde qory 605525 AQSh dollaryna baǵalanǵan Mıýnhen týrnıri 6 mamyrda márege jetedi.
Eske sala keteıik, búgin qazaqstandyq tennısshi ıÝlııa Pýtıntseva Rabat (Marokko) týrnıriniń alǵashqy aınalymynda ıspanııalyq Sara Sorrıbes-Tormoǵa jol bergenin jazǵan bolatynbyz. Osy týrnırde taǵy bir qazaqstandyq sportshy Zarına Dııas ıtalııalyq tennısshi Sara Erranımen kortqa shyǵady.
