Tennıs: Kýkýshkın Monreal týrnırinde jeńilip qaldy
NUR-SULTAN. QazAqparat – Qazaqstannyń birinshi, álemniń 44-raketkasy Mıhaıl Kýkýshkın Monreal (Kanada) ATP týrnıriniń birinshi aınalymynda-aq utylyp qaldy, dep habarlaıdy QazAqparat tilshisi.
Qazaqstandyq tennısshi bastapqy kezdesýin reıtıngte 69-oryndaǵy frantsııalyq Adrıan Mannarınomen ótkizdi.
Frantsııalyq tennısshi 6:4, 6:4 esebimen eki partııada jeńiske jetti.
Báseke saǵat jarymǵa sozyldy.
Qarsylastar budan buryn 2016 jyly Rolan Garros týrnırinde sheberlik baıqasyp, onda da frantsııalyq tennısshi basym túsken bolatyn. Endi ol ózara esepti 2:0-ge jetkizdi.
A.Mannarıno ekinshi aınalymda álemniń 14-raketkasy, horvatııalyq Borna Chorıch nemese reıtıngte 84-satydaǵy germanııalyq Peter Goevchıktiń bireýimen sheberlik baıqasady.
Júlde qory 6,3 mln AQSh dollarynan asatyn Monrealdaǵy masters týrnıri 11 tamyzda aıaqtalady.
Eske sala keteıik, budan buryn ıÝlııa Pýtıntsevanyń Toronto týrnıriniń ekinshi aınalymyna shyǵa almaǵanyn jazǵan bolatynbyz.
