Tennıs: Kýkýshkın men Zarına Dııas Tsıntsınnatı týrnırin sátti bastady
NUR-SULTAN. QazAqparat – Qazaqstandyq tennısshiler Mıhaıl Kýkýshkın men Zarına Dııas Tsıntsınnatı (AQSh) týrnıriniń irikteý satysyn sátti bastady, dep habarlaıdy QazAqparat tilshisi.
Іrikteý saıystary men Qazaqstannyń birinshi, álemniń 44-raketkasy M.Kýkýshkın bastapqy kezdesýinde dúnıejúzilik reıtıngte 176-oryndaǵy amerıkalyq Djek Sokpen kúsh synasty.
Eki saǵattan astam ýaqytqa sozylyp, tartysty ótken matchta qazaqstandyq tennısshi 6:7 (5:7), 6:2, 6:3 esebimen jeńiske jetti.
M.Kýkýshkın irikteý saıystarynyń fınalynda álemniń 70-raketkasy, burynǵy otandasy, reseılik Andreı Rýblevpen sheberlik baıqasady.
Іrikteý synyna qatysqan taǵy bir qazaqstandyq, álemniń 71-raketkasy Aleksandr Býblık reıtıngte 283-satydaǵy amerıkalyq Djeffrı Djon Volftan 3:6, 3:6 esebimen jeńilip qaldy.
Júlde qory 6,7 mln AQSh dollarynan asatyn Tsıntsınatı masters jarysyna álemniń birinshi raketkasy, serbııalyq Novak Djokovıch bastaǵan myqty tennısshiler qatysady.
Áıelder arasyndaǵy Tsıntsınnatı týrnırinde reıtıngte 79-oryndaǵy Zarına Dııas irikteý saıystarynyń fınalyna shyqty. Ol irikteý saıystarynyń tórtinshi, álemniń 44-raketkasy, reseılik Anastasııa Pavlıýchenkovany 6:1, 7:6 (7:5) esebimen tize búktirdi. Zarına endi irikteý saıystarynyń toǵyzynshy, álemniń 55-raketkasy, amerıkalyq Djessıka Pegýlany utsa, negizgi týrnırge ótedi.
D.Pegýla osynyń aldynda Vashıngton týrnırinde Z.Dııasty súrindirgen ıtalııalyq Kamıla Djordjıdiń fınalda mysyn basyp, jeńimpaz atanǵan bolatyn.
Tsıntsınnatıde taǵy bir qazaqstandyq, irikteý saıystarynyń 14-inshi, álemniń 63-raketkasy Elena Rybakına reıtıngte 482-oryndaǵy amerıkalyq Betanı Mattek-Sandsqa 3:6, 2:6 esebimen ese jiberdi.
Júlde qory 3 mln AQSh dollaryna jýyqtaıtyn, 18 tamyzda márege jetetin Tsıntsınnatıdiń negizgi týrnırinde Qazaqstannyń birinshi, álemniń 42-raketkasy ıÝlııa Pýtıntseva óner kórsetedi. Onyń alǵashqy qarsylasy – 2017 jylǵy Rolan Garros týrnıriniń jeńimpazy, álemniń 82-raketkasy, latvııalyq Elena Ostapenko.
Eske sala keteıik, budan buryn M.Kýkýshkınniń Monreal týrnırinde jeńilip qalǵanyn jazǵan bolatynbyz.
