Tennıs: Kýkýshkın men Rybakına «Rolan Garros» týrnıriniń ekinshi aınalymyna óte almady
NUR-SULTAN. QazAqparat - Mıhaıl Kýkýshkın men Elena Rybakına "Rolan Garros" týrnıriniń ekinshi aınalymyna óte almady, dep habarlaıdy QazAqparat tilshisi.
Qazaqstannyń birinshi, álemniń 51-raketkasy M.Kýkýshkın reıtıngte 55-orynda turǵan slovakııalyq Martın Klıjanmen kezdesti.
Alǵashqy eki partııada qazaqstandyq tennısshi 6:3, 7:5 esebimen jeńiske jetti. Osydan keıin bir setti alsa, jetip jatyr edi. Alaıda oıyn tizginin qolyna alǵan slovakııalyq tennısshi 6:4, 6:2 jáne 6:3 esebimen matchty óz paıdasyna sheshti.
Tartysty báseke 3 saǵat 50 mınýtqa sozyldy.
M.Klıjan ekinshi aınalymda álemniń 26-raketkasy, frantsııalyq Lýkas Pýılmen kortqa shyǵady.
Áıelder arasynda reıtıngte 141-orynda turǵan Elena Rybakına da jarys jolynan shyǵyp qaldy. Ol álemniń 42-raketkasy, chehııalyq Katerjına Sınıakovaǵa 6:7 (5:7), 1:6 esebimen ese jiberdi.
Osylaısha jekeleı synda "Rolan Garros" týrnırinde Qazaqstannan Zarına Dııas pen Aleksandr Býblık qana qaldy.
Eske sala keteıik, budan buryn Z.Dııastyń ekinshi aınalymǵa shyqqanyn, A.Býblıktiń týrnırdi jeńispen bastaǵanyn jazǵan bolatynbyz.
