Tennıs: Kýkýshkın Maıamı týrnıriniń alǵashqy aınalymynan asa almady
ASTANA. QazAqparat - Qazaqstannyń birinshi, álemniń 75-inshi raketkasy Mıhaıl Kýkýshkın Maıamı týrnıriniń alǵashqy aınalymynan asa almady, dep habarlaıdy QazAqparat tilshisi.
Іri halyqaralyq jarysta M.Kýkýshkın dúnıejúzilik reıtıngte 84-inshi satyda turǵan rýmynııalyq Marıýsh Kopılmen kezdesti.
Birinshi partııa taı-breıkke deıin jetip, onda rýmynııalyq tennısshi 7:2 esebimen basym tústi. Ekinshi partııa da 6:4 esebimen M.Kopıldiń paıdasyna aıaqtaldy. Kezdesý 1 saǵat 34 mınýtqa sozyldy.
M.Kopıl ekinshi aınalymda reseılik sportshy, álemniń 41-inshi raketkasy Karen Hachanovpen sheberlik baıqasady.
Eske sala keteıik, áıelder arasyndaǵy básekede Zarına Dııas reseılik Svetlana Kýznetsovany utyp, úshinshi aınalymǵa shyqqanyn jazǵan bolatynbyz.
