Tennıs: Kýkýshkın Marsel týrnıriniń jartylaı fınalyna shyqty
ASTANA. QazAqparat - Qazaqstannyń birinshi, álemniń 50-raketkasy Mıhaıl Kýkýshkın Marsel (Frantsııa) týrnıriniń shırek fınalynda reseılik Andreı Rýblevpen kúsh synasty, dep habarlaıdy QazAqparat tilshisi.
Qazaqstandyq tennısshi reıtıngte 115-oryndaǵy, 21 jasar qarsylasyn eki partııada tize búktirdi.
Birinshi sette esep 6:4 bolsa, ekinshisinde M.Kýkýshkın aıqyn basymdylyq kórsetti - 6:1.
Nebári 1 saǵat 5 mınýtqa sozylǵan kezdesýde qazaqstandyq tájirıbeli sportshy 5 eıspen birge tórt breık jasaı bildi. Reseılik tennısshiniń esebinde 5 eıs pen 1 ǵana breık.
Osymen M.Kýkýshkın qarsylasyn úshinshi márte jeńdi. Buǵan deıin tek bir oıynda oǵan ese jiberdi.
Júlde qory 668 485 eýroǵa baǵalanǵan jarystyń jartylaı fınalynda Mıhaıl Kýkýshkın álemniń 75-raketkasy, frantsııalyq Ýgo Ýmber nemese reıtıngte 143-satydaǵy germanııalyq Mattıas Bahıngerdiń birimen sheberlik baıqasady.
Eske sala keteıik, budan buryn M.Kýkýshkınniń reıtıngte úzdik elýdikke engenin jáne Marsel týrnıriniń ekinshi aınalymyna, sosyn shırek fınalyna shyqqanyn jazǵan bolatynbyz.
.
