Tennıs: Kýkýshkın Marsel týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 50-raketkasy Mıhaıl Kýkýshkın Marsel (Frantsııa) týrnıriniń alǵashqy aınalymynda amerıkalyq Denıs Kýdlamen kezdesti, dep habarlaıdy QazAqparat tilshisi.
Júlde qory 668 485 eýroǵa baǵalanǵan týrnırde qazaqstandyq tennısshi dúnıejúzilik reıtıngte 61-satydaǵy qarsylasyn eki sette utty.
Qos partııa da 6:3 esebimen aıaqtaldy.
Match barysynda M.Kýkýshkın alty eıspen qatar úsh birdeı breık jasaı bildi. Qarsylasy birde-bir breıkke qol jetkize alǵan joq.
Báseke 1 saǵat 22 mınýtqa sozyldy.
Qazaqstandyq tennısshi ekinshi aınalymda osy týrnırdiń 4-raketkasy bolyp tirkelgen reıtıngte 25-satydaǵy kanadalyq Denıs Shapovalovpen kortqa shyǵyp, shırek fınal joldamasyn sarapqa salady.
Eske sala keteıik, budan buryn qazaqstandyq tennısshilerdiń Dýbaı týrnırindegi qarsylastary belgili bolyp, ıÝ.Pýtıntseva men Z.Dııastyń alǵashqy aınalymnan asa almaǵanyn, M.Kýkýshkınniń reıtıngte úzdik elýlikke engenin jazǵan bolatynbyz.
