Tennıs: Kýkýshkın Marsel týrnırinde jeńilip qaldy
NUR-SULTAN. QazAqparat - Qazaqstandyq, álemniń 96-raketkasy Mıhaıl Kýkýshkın Marsel (Frantsııa) ATP týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi birinshi aınalymda dúnıejúzilik reıtıngte 138-orynda turǵan frantsııalyq Artýr Rınderknehpen kezdesti.
Matchty qarqyndy bastaǵan M.Kýkýshkın alǵashqy partııany aıqyn basymdylyqpen utty - 6:1.
Alaıda osydan keıin eki sette qarsylasyna ese jiberdi - 3:6, 2:6.
Báseke 1 saǵat 28 mınýtqa sozyldy.
A.Rınderkneh ekinshi aınalymda álemniń 52-raketkasy, ıspanııalyq Alehandro Davıdovıch Fokına nemese reıtıngte 970-satydaǵy grekııalyq Petros Tsıtsıpastyń bireýimen sheberlik baıqasady.
Buǵan deıin M.Kýkýshkın Nur-Sultan qalasynda ótken eki chellendjer jarysynda alǵashqy aınalymnan asa almaǵan bolatyn. Osylaısha onyń sátsiz óner kórsetýi jalǵasýda.
Eske sala keteıik, budan buryn A.Býblıktiń Doha týrnırin jeńispen bastaǵanyn, D.Evseev pen D.Popkonyń Sankt-Peterbýrg jarysynyń ekinshi aınalymyna shyqqanyn jazǵan bolatynbyz.
