Tennıs: Kýkýshkın Los Kabos týrnıriniń jartylaı fınalyna óte almady
NUR-SULTAN. QazAqparat - Qazaqstandyq Mıhaıl Kýkýshkın Los Kabos (Meksıka) ATP týrnıriniń jartylaı fınalyna óte almady, dep habarlaıdy QazAqparat tilshisi.
Dúnıejúzilik reıtıngte 45-orynda turǵan M.Kýkýshkın shırek fınalda álemniń 27-raketkasy, argentınalyq Dıego Shvartsmanmen kúsh synasty.
Birinshi partııada argentınalyq sportshy aıqyn basymdylyq kórsetti - 6:1.
Ekinshi sette de 3:1 esebimen alǵa ketti. Aqyry ol matchty jeńispen túıindedi - 6:2.
Báseke bir saǵatqa jýyq ýaqytqa sozyldy.
Buǵan deıin qarsylastar ózara úsh márte kezdesip, sonyń ekeýinde qazaqstandyq tennısshi jeńgen edi. Endi esep teńesti - 2:2.
Eske sala keteıik, budan buryn M.Kýkýshkınniń Los Kabos, al Zarına Dııastyń Vashıngton týrnıriniń shırek fınalyna shyqqanyn jazǵan bolatynbyz.
