Tennıs: Kýkýshkın Los Kabos týrnıriniń shırek fınalyna shyqty
NUR-SULTAN. QazAqparat - Qazaqstannyń birinshi, álemniń 45-raketkasy Mıhaıl Kýkýshkın Los Kabos (Meksıka) ATP týrnıriniń shırek fınalyna shyqty, dep habarlaıdy QazAqparat tilshisi.
M.Kýkýshkın ekinshi aınalymda álemniń 58-raketkasy, ulybrıtanııalyq Kemeron Norrımen kezdesti.
Birinshi partııada esep 4:4 bolǵan mezette ulybrıtanııalyq tennısshi breık jasap, alǵa shyqty. Degenmen ol setke dop bergende, Kýkýshkın sátti oınaı bildi. Sóıtip ol qatarynan úsh geımdi aldy - 7:5.
Ekinshi sette esep 4:4 bolǵanda, Norrı taǵy breık jasady. Degenmen Kýkýshkın de esesin jibermeı, tarazy basyn qaıta teńestirdi - 5:5. Aqyry ol matchty taǵy bir breıkpen túıindeı aldy - 7:5.
Báseke 1 saǵat 35 mınýtqa sozyldy.
M.Kýkýshkın jartylaı fınalǵa shyǵý úshin álemniń 27-raketkasy, argentınalyq Dıego Shvartsmanmen talasady.
Eske sala keteıik, budan buryn M.Kýkýshkınniń Los Kabos týrnıriniń ekinshi aınalymyna shyqqanyn, al Zarına Dııastyń Vashıngton jarysyn sátti bastaǵanyn jazǵan bolatynbyz.
Zarına ekinshi aınalymda ýkraınalyq Lesıa Tsýrenkomen oınaıdy.
