Tennıs: Kýkýshkın London jarysyn erte aıaqtady
NUR-SULTAN. QazAqparat - Qazaqstannyń birinshi, álemniń 47-raketkasy Mıhaıl Kýkýshkın London týrnıriniń alǵashqy aınalymynan asa almady, dep habarlaıdy QazAqparat tilshisi.
Qazaqstandyq tennısshi álemdik reıtıngte 65-oryndaǵy frantsııalyq Jeremı Shardımen kúsh synasty.
Birinshi partııada frantsııalyq sportshy bet qaratpady - 6:1.
Ekinshi sette esep 2:2 bolǵan mezette Shardı breık jasap, alǵa shyqty. Aqyry matchty taǵy bir breıkpen túıindedi - 6:3.
Báseke bir saǵattan astam ýaqytqa sozyldy.
J.Shardı júlde qory 2 mln eýrodan asatyn týrnırdiń ekinshi aınalymynda osy dodanyń birinshi, álemniń 6-raketkasy, grekııalyq Stefanos Tsıtsıpas nemese reıtıngte 30-satydaǵy ulybrıtanııalyq Kaıl Edmýndtyń bireýimen sheberlik baıqasady.
Eske sala keteıik, budan buryn Aleksandr Býblıktiń London jarysynyń alǵashqy aınalymynan asa almaǵanyn, Galına Voskoboevanyń juptyq synda Bırmıngem týrnıriniń shırek fınalyna shyqqanyn jáne ıÝlııa Ptýıntsevanyń álemniń 1-raketkasymen kezdesetinin jazǵan bolatynbyz.
