Tennıs: Kýkýshkın «Kreml kýbogy» jarysyn jeńispen bastady
NUR-SULTAN. QazAqparat – Qazaqstandyq Mıhaıl Kýkýshkın Máskeýde «Kreml kýbogy» ATP týrnırin jeńispen bastady, dep habarlaıdy QazAqparat tilshisi.
Álemniń 58-raketkasy M.Kýkýshkın alǵashqy aınalymda dúnıejúzilik reıtıngte 113-orynda turǵan reseılik Evgenıı Donskoımen kúsh synasty.
Birinshi partııany qazaqstandyq tennısshi 6:4 esebimen utty.
Ekinshi sette esep 3:2 bolǵan mezette M.Kýkýshkın breık jasap, alǵa shyqty – 4:2. Aqyry osy basymdylyǵyn paıdalana bildi – 6:3.
Báseke 1 saǵat 16 mınýtqa sozyldy.
M.Kýkýshkın shırek fınalǵa shyǵý úshin osy dodanyń jetinshi, álemniń 44-raketkasy, «Kreml kýbogynyń» ótken jylǵy fınalısi, frantsııalyq Adrıan Mannarınomen talasady.
Júlde qory 1 mln AQSh dollaryna jýyqtaıtyn «Kreml kýbogy» dodasy 20 qazan kúni márege jetedi.
Búgin sondaı-aq Aleksandr Býblık Máskeýde taǵy bir reseılik Andreı Rýblevpen kortqa shyǵady.
Eske sala keteıik, budan buryn A.Býblık pen M.Kýkýshkınniń juptyq synda «Kreml kýbogynyń» shırek fınalyna shyqqanyn jazǵan bolatynbyz.
