Tennıs: Kýkýshkın Kıtsbıýel týrnırin jeńispen bastady
ASTANA. QazAqparat - Qazaqstannyń birinshi, álemniń 87-inshi raketkasy Mıhaıl Kýkýshkın Kıtsbıýel (Avstrııa) týrnıriniń alǵashqy aınalymynda frantsııalyq Korenten Mýtemen kezdesti, dep habarlaıdy QazAqparat tilshisi.
K.Mýte dúnıejúzilik reıtıngte 109-ynshy satyda turǵanymen, match tartysty órbidi.
Birinshi partııada frantsııalyq sportshy 6:4 esebimen basym tússe, ekinshisinde M.Kýkýshkın ese qaıyrdy (6:3).
Úshinshi, sheshýshi sette qazaqstandyq tennısshi breık jasap, 4:3 esebimen alǵa shyqty. K.Mýte de qalyspaı, tarazy basyn teńestirdi. Degenmen taǵy bir breık jasaǵan M.Kýkýshkın matchty jeńispen aıaqtady - 6:4.
Kezdesý 2 saǵat 17 mınýtqa sozyldy.
M.Kýkýshkın júlde qory 583 915 AQSh dollaryna baǵalanǵan Kıtsbıýel týrnıriniń ekinshi aınalymynda osy týrnırdiń altynshy raketkasy bolyp tirkelgen Germanııa eliniń ókili Maksımılıan Marterer nemese estonııalyq ıÝrgen Zoptyń bireýimen sheberlik baıqasady.
Bul týrnır 5 tamyz kúni márege jetedi.
Eske sala keteıik, budan buryn Qazaqstannyń birinshi raketkasy ıÝlııa Pýtıntsevanyń Vashıngton týrnırinde qarsylasy anyqtalǵanyn jazǵan bolatynbyz. Ol erteń nemis tennısshisi Tatıana Marııamen kortqa shyǵady.
