Tennıs: Kýkýshkın Istbýrn týrnıriniń shırek fınalyna shyqty
ASTANA. QazAqparat - Búgin Qazaqstannyń birinshi, álemniń 90-ynshy raketkasy Mıhaıl Kýkýshkın Istbýrn (Ulybrıtanııa) týrnırinde ıspanııalyq Davıd Ferrermen kezdesti, dep habarlaıdy QazAqparat tilshisi.
Osy týrnırdiń 6-ynshy raketkasy bolyp tirkelgen D.Ferrer álemdik reıtıngte 38-inshi orynda tur. Soǵan qaramastan, oıyn qazaqstandyq tennısshiniń basymdylyǵymen ótti.
M.Kýkýshkın qarsylasyn 6:2, 6:0 esebimen erkin utty. Kezdesý barysynda ol 15 breık-poınttyń beseýin paıdalana bildi.
Match 1 saǵat 18 mınýtqa sozyldy.
Qazaqstandyq sportshy shırek fınalda reıtıngte 18-inshi satyda turǵan ulybrıtanııalyq Kaıl Edmýnd nemese onyń otandasy, álemniń burynǵy birinshi raketkasy Endı Marreıdiń bireýimen kezdesedi.
Eske sala keteıik, budan buryn M.Kýkýshkınniń Istbýrn týrnırin jeńispen bastaǵanyn jazǵan bolatynbyz.
