Tennıs: Kýkýshkın Istbýrn týrnırin jeńispen bastady
ASTANA. QazAqparat - Qazaqstannyń birinshi, álemniń 90-ynshy raketkasy Mıhaıl Kýkýshkın Istbýrn (Ulybrıtanııa) týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy kezdesýinde reıtıngte 77-inshi satyda turǵan avstralııalyq Aleks De Mınaýrdy 6:1, 6:2 esebimen qınalmaı utty.
Bir saǵat 4 mınýtqa sozylǵan básekede M.Kýkýshkın tórt birdeı breık jasaı bildi.
Mıhaıl ekinshi aınalymda osy týrnırdiń altynshy raketkasy bolyp tirkelgen, reıtıngte 38-inshi orynda turǵan ıspanııalyq Davıd Ferrermen sheberlik baıqasady.
Júlde qory 770 695 AQSh dollaryn quraıtyn Istbýrn jarysy 30 maýsymda márege jetedi. Bul Ýımbldon týrnıri aldyndaǵy daıyndyq synaǵy da bolyp esepteledi.
Eske sala keteıik, budan buryn ıÝlııa Pýtıntsevanyń áıelder arasynda Istbýrn týrnıriniń alǵashqy aınalymynan asa almaǵanyn jazǵan bolatynbyz.
