Tennıs: Kýkýshkın Indıan-Ýells týrnıriniń alǵashqy aınalymynan asa almady
ASTANA. QazAqparat - Qazaqstannyń birinshi, álemniń 43-raketkasy Mıhaıl Kýkýshkın Indıan-Ýells týrnıriniń alǵashqy aınalymynda serbııalyq Fılıp Kraıınovıchpen kezdesti, dep habarlaıdy QazAqparat tilshisi.
Dúnıejúzilik reıtıngte 113-satyda turǵan serbııalyq tennısshi negizgi týrnırge irikteý saıystary arqyly qosylǵan-dy.
F.Kraıınovıch eki partııada 6:3, 6:4 esebimen jeńiske jetti. Báseke 1 saǵat 18 mınýtqa sozyldy.
Serbııalyq tennısshi ekinshi aınalymda belgııalyq, álemniń 21-raketkasy Davıd Goffenmen kúsh synasady.
M.Kýkýshkın ótken jyly da bastapqy machtynda jeńilis tapqan edi.
Júlde qory 8,4 mln AQSh dollaryna jýyqtaıtyn Indıan-Ýells týrnıri 17 naýryzda márege jetedi.
Áıelder arasyndaǵy osy jarysta Qazaqstannyń birinshi, álemniń 47-raketkasy ıÝlııa Pýtıntseva ekinshi aınalymda reıtıngte 8-orynda turǵan germanııalyq Anjelıka Kerbermen sheberlik baıqasady. Al Zarına Dııas alǵashqy kezdesýinde amerıkalyq Djessıka Pegýladan utylyp qaldy.
Ótken jylǵy osy jarysta Z.Dııas alǵashqy aınalymda álemniń burynǵy 1-raketkasy, ataqty amerıkalyq Serena Ýılıamske ese jibergen edi. ıÝ.Pýtıntseva chehııalyq Petra Kvıtovadan utylyp, ekinshi aınalymnan asa almaǵan bolatyn.
Eske sala keteıik, budan buryn ıÝ.Pýtıntsevanyń Indıan-Ýells týrnırin jeńispen bastaǵanyn jazǵan bolatynbyz.
