Tennıs: Kýkýshkın halyqaralyq jarysta ese jiberdi
ORAL. QazAqparat - Qazaqstannyń qos birdeı tennısshisi halyqaralyq jarysta utylyp qaldy, dep habarlaıdy «QazAqparat» tilshisi.
Qazaqstannyń birinshi, álemniń 54-inshi raketkasy Zarına Dııas Dýbaı jarysynyń negizgi týrnırine óte almady. Qazaqstandyq tennısshi irikteý saıysynyń fınalynda dúnıejúzilik reıtıngte 42-inshi satyda turǵan ýkraınalyq Lesıa Tsýrenkomen kortqa shyqty. Nebári 1 saǵat 10 mınýtqa sozylǵan kezdesýde L.Tsýrenko 6:1, 6:2 esebimen jeńiske jetti.
Qazaqstannyń erler arasyndaǵy birinshi, álemniń 89-ynshy raketkasy Mıhaıl Kýkýshkın úshin de Marsel (Frantsııa) týrnıri sátsiz boldy. Ol osy jarystyń birinshi aınalymynda Bosnııa jáne Gertsegovına eliniń ókili, álemniń 29-ynshy raketkasy Damır Djýmhýrmen kúsh synasty. Úsh saǵatqa jýyq ýaqytqa sozylǵan tartysty básekede 6:7 (6:8), 7:6 (7:3), 6:1 esebimen D. Djýmhýr jeńimpaz atandy.
Aıta keteıik, Delreı Bıch (Florıda, AQSh) jarysynyń negizgi týrnırine ótken taǵy bir qazaqstandyq tennısshi Aleksandr Býblık alǵashqy aınalymda horvatııalyq Franko Skýgormen sheberlik baıqasady.
