Tennıs: Kýkýshkın Dýbaıda negizgi týrnırge joldama aldy
NUR-SULTAN. QazAqparat – Qazaqstandyq Mıhaıl Kýkýshkın Dýbaıda negizgi týrnırge joldama aldy, dep habarlaıdy QazAqparat tilshisi.
Dúnıejúzilik reıtıngte 96-orynda turǵan M.Kýkýshkın irikteý saıystarynyń fınalynda álemniń 162-raketkasy, ıtalııalyq Lorentso Djýstınomen sheberlik baıqasty.
Birinshi partııada qazaqstandyq tennısshi aıqyn basymdylyq kórsetti – 6:2.
Ekinshi sette de M.Kýkýshkın breıkpen alǵa ketti – 3:1. Taǵy bir breık – 5:2. Sosyn matchqa dop bergende, múmkindigin múlt jibergen joq – 6:2.
Báseke 1 saǵat 12 mınýtqa sozyldy.
Osylaısha qazaqstandyq sportshy negizgi týrnırge joldama aldy. Onyń qarsylasy keıin anyqtalady.
Qazaqstannyń birinshi, álemniń 44-raketkasy Aleksandr Býblık búgin osy jarystyń alǵashqy aınalymynda reıtıngte 59-satydaǵy japonııalyq Esıhoto Nısıokamen kezdesedi.
Júlde qory 2 mln AQSh dollarynan asatyn Dýbaı ATP 500 týrnıri 20 naýryzda márege jetedi.
Eske sala keteıik, budan buryn M.Kýkýshkınniń Dýbaı týrnıriniń irikteý saıysyn sátti bastaǵanyn jazǵan bolatynbyz.
