Tennıs: Kýkýshkın Dýbaı týrnıriniń ekinshi aınalymyna óte almady
NUR-SULTAN. QazAqparat – Qazaqstandyq Mıhaıl Kýkýshkın Dýbaı ATP týrnıriniń ekinshi aınalymyna óte almady, dep habarlaıdy QazAqparat tilshisi.
Dúnıejúzilik reıtıngte 89-orynda turǵan M.Kýkýshkın alǵashqy aınalymda álemniń 17-raketkasy, reseılik Karen Hachanovpen kezdesti.
Birinshi partııada qazaqstandyq tennısshi 3:1, 4:2 esebimen alǵa turǵanymen, reseılik sportshy tarazy basyn teńestirýmen boldy. Taı-breıkte K.Hachanov basymdylyq kórsetti – 7:6 (7:2).
Ekinshi sette reseılik tennısshi birden alǵa ketti – 3:0. Sodan keıin de bet qaratqan joq – 6:1.
Báseke saǵat jarymǵa sozyldy.
K.Hachanov ekinshi aınalymda álemniń 96-raketkasy, aýstrııalyq Dennıs Novak nemese reıtıngte 134-satydaǵy úndistandyq Pradjnesh Gýnnesvarannyń bireýimen sheberlik baıqasady.
Qazaqstannyń birinshi, álemniń 47-raketkasy Aleksandr Býblık bastapqy kezdesýin erteń reıtıngte 30-satydaǵy Polsha ókili Hýbert Gýrkachpen ótkizedi.
Ótken jyly bul dodaǵa M.Kýkýshkın de, A.Býblık te qatyspaǵan bolatyn.
Júlde qory 3 mln AQSh dollaryna jýyqtaıtyn Dýbaı jarysy 1 naýryzda márege jetedi.
Eske sala keteıik, budan buryn ıAroslava Shvedovanyń Doha týrnıriniń alǵashqy aınalymynan asa almaǵanyn, al Elena Rybakınanyń álemdik reıtıngte rekordtyq 17-orynǵa kóterilgenin jazǵan bolatynbyz.
