Tennıs: Kýkýshkın Dýbaı týrnırinde oınaýdan bas tartty
ASTANA. QazAqparat - Qazaqstannyń birinshi, álemniń 39- raketkasy Mıhaıl Kýkýshkın Dýbaı týrnırinde oınaýdan bas tartty, dep habarlaıdy QazAqparat tilshisi.
Qazaqstandyq tennısshi oń ıyǵyn aýyrsynýyna baılanysty osyndaı sheshimge keldi.
Júlde qory 2,9 mln AQSh dollaryna jýyqtaıtyn Dýbaı týrnırinde M.Kýkýshkındi lakı-lýzer retinde shaqyrylǵan álemniń 96-raketkasy, chehııalyq Irjı Vesely almastyrdy. Bıyl álemniń 6-raketkasy, japonııalyq Keı Nısıkorı bastaǵan myqty tennısshiler qatysyp jatqan Dýbaı týrnıri 2 naýryzda márege jetedi.
Ótken jyly ıspanııalyq Roberto Baýtısta-Agýt bul jarystyń jeńimpazy atanǵan bolatyn.
Taǵy bir qazaqstandyq tennısshi, álemniń 153-raketkasy Aleksandr Býblık Raý (Frantsııa) chellendjer týrnıriniń ekinshi aınalymynda reıtıngte 460-oryndaǵy ıspanııalyq Haver Kosano Barrankomen sheberlik baıqasady.
Al áıelder arasynda Indıan-Ýellstegi chelendjer týrnıriniń ekinshi aınalymynda qazaqstandyq Zarına Dııas ulybrıtanııalyq, álemniń 111-raketkasy Hıter Ýotson nemese qytaılyq, reıtıngte 169-oryndaǵy Han Sın-ıÝnniń birimen kezdesedi.
Eske sala keteıik, budan buryn M.Kýkýshkınniń Marsel týrnıriniń fınalynda jeńilip qalǵanymen, álemdegi úzdik qyryq tennısshiniń qataryna engenin jazǵan bolatynbyz.
