Tennıs: Kýkýshkın de Aýstralııa chempıonatynda jarys jolynan shyǵyp qaldy
ASTANA. QazAqparat - Qazaqstandyq Mıhaıl Kýkýshkın Aýstralııa ashyq chempıonatynyń birinshi aınalymynda frantsııalyq Lýkas Pýılmen kezdesti, dep habarlaıdy QazAqparat tilshisi.
Álemdik reıtıngte L.Pýıl 31-orynda bolsa, M.Kýkýshkın 56-satyda edi. Buǵan deıin qarsylastar úsh márte kortqa shyqsa, sonyń ekeýinde frantsııalyq sportshy jeńiske jetken bolatyn.
Bul joly da L.Pýıl matchty qarqyndy bastap, birinshi partııada aıqyn basymdylyq kórsetti - 6:1.
Esesine ekinshi sette M.Kýkýshkın breık jasap, 3:1 esebimen alǵa shyqty. Áıtse de kóp uzamaı frantsııalyq tennısshi qaıyra breıkke qol jetkizip, tarazy basyn teńestire aldy - 5:5. Sosyn taǵy bir breıkpen setti jeńispen aıaqtady - 7:5.
Úshinshi partııada Pýıl jeńistik bermedi - 6:4.
Báseke 2 saǵatqa jýyq ýaqytqa sozyldy.
L.Pýıl ekinshi aınalymda álemniń 71-raketkasy, germanııalyq Maksımılıan Marterer nemese frantsııalyq Gleb Saharovtyń (252-raketka) bireýimen sheberlik baıqasady.
Osylaısha Aýstralııa ashyq chempıonatynda jekeleı synda Qazaqstannan álemniń 39-raketkasy ıÝlııa Pýtıntseva ǵana qaldy. Ol erteń Shveıtsarııa eliniń ókili, reıtıngte ózinen on saty tómen ornalasqan Belında Benchıchpen úshinshi aınalymnyń joldamasyn sarapqa salady.
Eske sala keteıik, budan buryn ıÝ.Pýtıntsevanyń Aýstralııa chempıonatyn jeńispen bastaǵanyn, al Z.Dııastyń alǵashqy aınalymnan asa almaǵanyn jazǵan bolatynbyz.
Ótken jylǵy Aýstralııa birinshiliginde Z.Dııas pen M.Kýkýshkın bastapqy kezdesýinde-aq utylyp qalsa, ıÝ.Pýtıntseva ekinshi aınalymǵa deıin jetken edi. Bıyl ıÝ.Pýtıntsevanyń ǵana sol kórsetkishin jaqsartýyna múmkindigi bar.
