Tennıs: Kýkýshkın Chendý týrnıriniń shırek fınalyna shyǵa almady
ASTANA. QazAqparat - Qazaqstannyń birinshi, álemniń 87-inshi raketkasy Mıhaıl Kýkýshkın Chendý týrnıriniń ekinshi aınalymynda amerıkalyq Teılor Harrı Frıtspen kúsh synasty, dep habarlaıdy QazAqparat tilshisi.
Qazaqstandyq sportshy bıyl 31 jasqa tolatyn bolsa, qarsylasy odan on jas kishi. Soǵan qaramastan, amerıkalyq tennısshi dúnıejúzilik reıtıngte 62-inshi orynda tur.
Tartysty ótken birinshi partııada T.Frıts 7:5 esebimen basym tústi. Ekinshisinde M.Kýkýshkın pálendeı qarsylyq kórsete almaı, 1:6 esebimen utylyp qaldy.
Kezdesý 1 saǵat 9 mınýtqa sozyldy.
Amerıkalyq tennısshi jartylaı fınalǵa shyǵý úshin grýzııalyq Nıkoloz Basılashvılı nemese otandasy Sem Kýerrıdiń qaı jeńgenimen talasady.
Eske sala keteıik, budan buryn M.Kýkýshkınniń júlde qory 1 mln AQSh dollarynan asatyn Chendý týrnırin sátti bastaǵap, ekinshi aınalymyna shyqqanyn jazǵan bolatynbyz. Bul jarystyń ótken jylǵy jeńimpazy - ózbekstandyq Denıs Istomın.
