Tennıs: Kýkýshkın Chehııadaǵy týrnırdi jeńispen bastady
ASTANA. QazAqparat - Qazaqstannyń birinshi, álemniń 83-inshi raketkasy Mıhaıl Kýkýshkın Chehııanyń Prosteev qalasynda ótip jatqan Chellendjer týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy kezdesýinde dúnıejúzilik reıtıngte 226-ynshy orynda turǵan frantsııalyq Antýan Oandy 6:1, 6:3 esebimen ońaı jeńdi. Báseke 1 saǵat 3 mınýtqa sozyldy.
Osy týrnırdiń 7-inshi raketkasy bolyp tirkelgen M.Kýkýshkın shırek fınalǵa shyǵý úshin reıtıngte 101-inshi satyda turǵan serbııalyq Laslo Dere nemese argentınalyq Rentso Olıvonyń (219-raketka) bireýimen sheberlik baıqasady.
Ulybrıtanııanyń Sýrbıton qalasynda ótip jatqan Chellendjer týrnıri taǵy bir qazaqstandyq, álemniń 139-ynshy raketkasy Aleksandr Býblık úshin sátsiz boldy. Ol 1 saǵat 33 mınýtqa sozylǵan tartysty matchta reıtıngte 113-inshi orynda turǵan amerıkalyq Denıs Kýdlaǵa 6:3, 6:7 (5:7), 1:6 esebimen ese jiberdi.
Eske sala keteıik, qazaqstandyq ıÝlııa Pýtıntseva seısenbi kúni Parıjde ótip jatqan «Rolan Garros» týrnıriniń jartylaı fınalyna shyǵý úshin álemniń 13-inshi raketkasy, amerıkalyq Medıson Kızben talasady.
Budan buryn ıÝ.Pýtıntsevanyń óz sporttyq jolynda ekinshi ret «Rolan Garros» týrnıriniń shırek fınalyna shyqqanyn jazǵan bolatynbyz.
