Tennıs: Kýkýshkın Býdapesht týrnıriniń ekinshi aınalymyna óte almady
NUR-SULTAN. QazAqparat - Qazaqstannyń birinshi, álemniń 40-raketkasy Mıhaıl Kýkýshkın Býdapesht týrnıriniń alǵashqy aınalymynda ıtalııalyq Matteo Berrettınımen kezdesti, dep habarlaıdy QazAqparat tilshisi.
31 jasar M.Kýkýshkın tájirıbeli tennısshi bolsa, álemniń 55-raketkasy M.Berrettını 1996 jylǵy edi.
Kezdesýdi sátti bastaǵan ıtalııalyq tennısshi birinshi partııany 6:4 esebimen utty.
M.Berrettını ekinshi sette de breık jasap, 2:0 esebimen alǵa shyqty. Sodan keıin taǵy bir breıkpen esepti 5:2-ge jetkizdi. Italııalyq sportshy matchqa dop bergende ǵana M.Kýkýshkın breık jasaı aldy - 3:5. Alaıda M.Berrettını kópke uzatqan joq - 6:4.
Italııalyq tennısshiniń basymdylyǵymen ótken báseke 1 saǵat 28 mınýtqa sozyldy.
Júlde qory 586 140 eýroǵa baǵalanǵan Býdapesht týrnıri 28 sáýirde márege jetedi.
Eske sala keteıik, budan buryn Mıhaıl Kýkýshkınniń Býdapesht týrnırindegi qarsylasy belgili bolǵanyn, Dmıtrıı Popkonyń AQSh-taǵy týrnırdiń jeńimpazy atanǵanyn jazǵan bolatynbyz.
