Tennıs: Kýkýshkın álemniń birinshi raketkasyna jol berdi
ASTANA. QazAqparat - Qazaqstandyq tennısshi Mıhaıl Kýkýshkın Ýımbldon týrnıriniń ekinshi aınalymynda álemniń birinshi raketkasy, ıspanııalyq Rafael Nadalmen kúsh synasty, dep habarlaıdy QazAqparat tilshisi.
Dúnıejúzilik reıtıngte osy apta basynda 77-inshi satyǵa kóterilgen M.Kýkýshkın matchty sátsiz bastap, birinshi partııada qarsylasy 3:0 esebimen alǵa shyqqanymen, tarazy basyn teńestire bildi.
Degenmen myqtynyń aty myqty, bul sette Nadal 6:4 esebimen basymdylyq tanytty. Sodan keıingi eki partııada álemniń birinshi raketkasy 6:3, 6:4 esebimen jeńiske jetti.
Báseke 2 saǵat 26 mınýtqa sozyldy.
Budan buryn 2014 jylǵy Ýımbldon týrnıriniń úshinshi aınalymynda R.Nadal M.Kýkýshkındi 6:7, 6:1, 6:1, 6:1 esebimen utqan bolatyn. 2010 jyly Bangkok pen 2012 jyly Monte-Karlo týrnırinde de ıspanııalyq tennısshiniń sheberligi basym boldy.
Osylaısha bıylǵy Ýımbldon týrnırinde jekeleı synda Qazaqstannan eshkim qalǵan joq.
Eske sala keteıik, budan buryn áıelder arasynda Qazaqstannyń birinshi, álemniń 53-inshi raketkasy ıÝlııa Pýtıntsevanyń ekinshi aınalymda reıtıngte 14-inshi orynda turǵan reseılik Darıa Kasatkınadan jeńilip qalǵanyn jazǵan bolatynbyz.
