Tennıs: Kýkýshkın AQSh-tyń ashyq chempıonatyn sátti bastady
NUR-SULTAN. QazAqparat – Qazaqstandyq tennısshiler AQSh-tyń ashyq chempıonatyndaǵy alǵashqy kezdesýin ótkizdi, dep habarlaıdy QazAqparat tilshisi.
Reıtıngte 90-orynda turǵan Mıhaıl Kýkýshkın álemniń 78-raketkasy, majarstandyq Attıla Balashpen kúsh synasty.
Qazaqstandyq tennısshi 6:4, 7:5, 6:4 esebimen úsh partııada jeńiske jetti
Báseke 2 saǵat 16 mınýtqa sozyldy.
M.Kýkýshkın ekinshi aınalymda álemniń 19-raketkasy, chılılik Krıstıan Garın nemese reıtıngte 244-orynda turǵan amerıkalyq Ýlıss Blanchtyń bireýimen kezdesedi.
Qazaqstannyń birinshi, álemniń 54-raketkasy Aleksandr Býblık alǵashqy aınalymda reıtıngte ózinen on saty joǵary turǵan ulybrıtanııalyq Kaıl Edmýndpen kezdesti.
Qazaqstandyq tennısti matchty sátti bastady – 6:2. Alaıda sodan keıin oıyn tizginin berip qoıdy – 5:7, 5:7, 0:6.
Birshama tartysty ótken báseke 2 saǵat 49 mınýtqa sozyldy.
K.Edmýndtyń kelesi qarsylasy – álemniń 1-raketkasy, serbııalyq Novak Djokovıch.
Eske sala keteıik, budan buryn Anna Danılınanyń Praga týrnırin jeńispen bastaǵanyn, Dmıtrıı Popkonyń reıtıngide joǵary kóterilgenin jazǵan bolatynbyz.
A.Danılına ekinshi aınalymda túrkııalyq Pemra Ozgenge 1:6, 6:3, 0:6 esebimen jol berdi.
Reıtıngte 165-satyǵa kóterilgen D.Popko Ostrava (Chehııa) chellendjer týrnırinde baq synap, birinshi aınalymda reıtıngte 179-oryndaǵy reseılik Roman Safıýllınmen sheberlik baıqasady.
