Tennıs: Kýkýshkın AQSh-taǵy týrnırdiń jartylaı fınalyna shyqty
ASTANA. QazAqparat - Qazaqstannyń birinshi, álemniń 43-raketkasy Mıhaıl Kýkýshkın Fınıks (AQSh) chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq sportshy shırek fınalda álemniń 86-raketkasy, chılılik Nıkolas Harrımen kezdesti.
M.Kýkýshkın qarsylasyn 6:4, 7:5 esebimen tize búktirdi.
Báseke 1 saǵat 36 mınýtqa sozyldy.
Mıhaıl Kýkýshkın fınalǵa shyǵý úshin dúnıejúzilik reıtınte 168-orynda turǵan ıtalııalyq Salvatore Karýzomen kúsh synasady. Ol shırek fınalda osy týrnırdiń birinshi, álemniń 21-raketkasy, belgııalyq Davıd Goffendi utyp ketti.
Eske sala keteıik, budan buryn Mıhaıl Kýkýshkınniń Indıan-Ýells týrnıriniń alǵashqy aınalymynan asa almaǵanyn, Fınıks jarysynyń shırek fınalyna shyqqanyn jazǵan bolatynbyz.
