Tennıs: Kýkýshkın AQSh-taǵy týrnırdiń fınalynda ese jiberdi
ASTANA. QazAqparat - Qazaqstannyń birinshi raketkasy Mıhaıl Kýkýshkın Fınıks (AQSh) chellendjer týrnıriniń fınalynda ıtalııalyq Matteo Berrettınımen kúsh synasty, dep habarlaıdy QazAqparat tilshisi.
Qazaqstandyq tennısshi dúnıejúzilik reıtınte 43-orynda bolsa, qarsylasy 57-satyda edi.
Match asa tartysty ótip, úsh partııaǵa, úsh saǵatqa jýyq ýaqytqa sozyldy.
Onda M.Berrettını 3:6, 7:6 (8:6), 7:6 (7:2) esebimen jeńiske jetti.
M.Kýkýshkın endi AQSh-taǵy iri týrnır - júlde qory 8,3 mln AQSh dollarynan asatyn Maıamı jarysyna qatysady. Onyń irikteý saıysynyń jartylaı fınalynda taǵy bir qazaqstandyq tennısshi, reıtıngte 134-satydaǵy Aleksandr Býblık álemniń 95-raketkasy, lıtvalyq Rıchardas Bırankıspen synǵa túsedi.
Áıelder arasynda Maıamı týrnırinde irikteý saıysynyń jartylaı fınalynda qazaqstandyq, álemniń 94-raketkasy Zarına Dııas Polsha eliniń ókili, reıtıngte 125-oryndaǵy Iga Sventekpen sheberlik baıqasady.
Qazaqstannyń birinshi, álemniń 47-raketkasy ıÝlııa Pýtıntseva jarysty negizgi týrnırden bastap, alǵashqy aınalymda belgııalyq, reıtıngte ózinen toǵyz saty tómen turǵan Kırsten Flıpkenspen kortqa shyǵady.
Eske sala keteıik, budan buryn Mıhaıl Kýkýshkın Fınıks týrnıriniń sońǵy básekesine joldama alǵan bolatyn.
