Tennıs: QR qyzdar quramasynyń qarsylastary anyqtaldy
ASTANA. QazAqparat - Keshe tennısten Federatsııa kýbogynyń álemdik toby pleı-off kezeńiniń jerebesi tartylyp, Qazaqstan qyzdar quramasynyń qarsylastary anyqtaldy, dep habarlaıdy QazAqparat tilshisi.
Jerebe boıynsha jerlesterimiz pleı-off kezeńinde kanadalyqtarmen kezdesetin boldy. Oıyndar 22-23 aqpanda Kanadada ótedi.
Qazaqstan qyzdar quramasy óz tarıhynda Federatsııa kýbogy álemdik tobynyń pleı-off kezeńine ekinshi ret shyǵyp otyr. Bul joldama úshin otandastarymyz Japonııany úsh matchtyń qorytyndysy boıynsha 2:1 esebimen basym túsken bolatyn.
Aıta keteıik, pleı-offta jeńimpaz bes oıynnan keıin baryp anyqtalady.
