Tennıs: kelesi aptada Almatyda «Almaty Futures» halyqaralyq erler týrnıri bastalady
ASTANA. 30 shilde. QazAqparat - 1 tamyzda Almatyda júlde qory 15 myń AQSh dollaryn quraıtyn tennısten «Almaty Futures» halyqaralyq erler týrnıri bastalady, dep habarlady QR Tennıs federatsııasynyń baspasóz qyzmetinen.
Halyqaralyq jarysqa Qazaqstan, Reseı, Belarýs, Úndistan, Japonııa, Ózbekstan, Chehııa jáne Ýkraınanyń tennısshileri qatysady.
Týrnırdiń negizgi setkasynda Qazaqstan atynan Serjan Esenbekov pen Danıl Braýn shyǵady. Sonymen qatar týrnırdiń biliktilik sanatynda qazaqstandyq tennısshiler Dmıtrıı Makeev, Alekseı Kedrıýk, Aıdynbek Raqyshev, Qaırat Kósherov, Ádil Eltaev, Roman Hasanov jáne Erlan Turybaevtar óner kórsetedi.
Elimizde mundaı týrnırlerdi ótkizý Qazaqstanda tennıs sportynyń tanymaldyǵyn arttyrýǵa, tennısshilerimizdiń sheberlikterin shyńdaýǵa múmkindik berip, halyqaralyq reıtıngin joǵarylatýǵa jol ashady.
