Tennıs: Qazaqstannyń úsh birdeı tennısshisi Pattaııada ótetin halyqaralyq týrnırge qatysady

Chempıonat.kom saıtynan alynǵan málimetke qaraǵanda, Qazaqstannyń birinshi, osy týrnırdiń úshinshi raketkasy Zarına Dııas alǵashqy aınalymda slovakııalyq Danıela Gantýhovamen kúsh synasady. Bıyl Zarına Avstralııanyń Hobart qalasynda ótken jarysta Danıelany 7:5, 6:1 esebimen utqan bolatyn.

Elimizdiń ekinshi, Pattaııa týrnıriniń besinshi oıynshysy ıAroslava Shvedova Izraıl eliniń ókili Shahar Peermen sheberlik baıqasady. Eger qazaqstandyq tennısshiler aldaǵy matchtaryn sátti ótkizse, shırek fınalda ózara kezdesedi.

Qazaqstannyń taǵy bir tennısshisi ıÝlııa Pýtıntseva burynǵy otandasy, reseılik Evgenııa Rodınamen kortqa shyǵady.

Pattaııa týrnıriniń júlde qory - 250 myń AQSh dollary. Oǵan qytaılyq, Avstralııa ashyq chempıonatynda ıA.Shvedovanyń jolyn kesken Pen Shýaı, ýkraınalyq Elına Svıtolına, kezinde myqtylardyń qatarynda júrgen reseılik Vera Zvonarevalar qatysyp, baq synaıdy.

Aıta keteıik, ótken aptada Qazaqstannyń tennısten áıelder quramasy azııalyq komandalar arasynda Federatsııa kýbogynyń fınalyna deıin jetip, onda japonııalyqtarǵa ese jibergen bolatyn. Onda Z.Dııas, ıA.Shvedova, ıÝ.Pýtıntsevanyń úsheýi de óner kórsetkeni belgili.