Tennıs: Qazaqstannyń qos birdeı sportshysy Malorkada óner kórsetedi
ASTANA. QazAqparat - Qazaqstannyń qos birdeı sportshysy Ispanııanyń Malorka qalasynda 13-19 maýsym aralyǵynda tennısten ótetin halyqaralyq týrnırge qatysady.
Chempıonat.kom saıtynyń habarlaýynsha, Qazaqstannyń birinshi, álemniń 35-inshi, osy jarystyń 5-inshi raketkasy ıÝlııa Pýtıntseva alǵashqy aınalymda irikteý saıystarynan ótip, negizgi týrnırge joldama alǵan tennısshilerdiń birimen kúsh synasady. Al ıAroslava Shvedova osy týrnırge arnaıy shaqyrtýmen qatysyp otyrǵan slovakııalyq Danıela Gantýhovamen kortqa shyǵady. Qazaqstandyq tennısshiler bastapqy kezdesýlerin jeńispen aıaqtasa, ekinshi aınalymda ózara sheberlik baıqasady.
Aıta keteıik, kóptegen sportshylar úshin aldaǵy Ýımbldon týrnırine daıyndyq esebinde ótetin Malorka jarysynyń júlde qory - 226750 AQSh dollary. Týrnırdiń basty juldyzy - bıylǵy Rolan Garrostyń jeńimpazy ári ótken jylǵy Ýımbldonnyń fınalısi, ıspanııalyq Garbıne Mýgýrýsa. Sondaı-aq álemniń burynǵy birinshi raketkalary, serbııalyq Elena ıAnkovıch pen Ana Ivanovıch te óner kórsetedi.
