Tennıs: Qazaqstandyq jup Antalııadaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyqtar Gózal Aınıtdınova men Jibek Qulambaeva juptyq synda Antalııadaǵy ITF týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, júlde qory 15 myń AQSh dollaryna baǵalanǵan dodada qazaqstandyq jup áýeli reseılik Darıa Astahova men bolıvııalyq Noelııa Sebalosty 6:4, 6:4 esebimen tize búktirdi.
G.Aınıtdınova men J.Qulambaeva shırek fınalda chehııalyqtar Mırıam Kolodzıeeva – Aneta Labýtkovany 6:1, 3:6, 10:7 esebimen jeńdi.
Qazaqstandyq jup fınalǵa shyǵý úshin amerıkalyq Djessı Eını – ońtústikkoreıalyq So Hen Pakpen talasady.
Juptyq synda taǵy bir qazaqstandyq Ekaterına Dmıtrıchenko ýkraınalyq Vıktorııa Petrenkomen birge jartylaı fınaldan tys qaldy. Olar osy jarystyń 2-raketkalary rýmynııalyq Krıstına Dıný – ıtalııalyq Anjelıka Moratellımen tartysty kezdesý ótkizdi. Birinshi partııada 4:6 esebimen qarsylastaryna ese jiberse, ekinshisinde qarymta qaıyrdy – 6:4. Taı-breıkte Dıný men Moratellıdiń joly boldy – 11:9.
Eske sala keteıik, budan buryn AQSh týrnırinde 6 qazaqstandyq baq synaıtynyn jazǵan bolatynbyz.
