Tennıs: qazaqstandyq Z.Dııas Strasbýrgtegi týrnırdi sátti bastady
ORAL. QazAqparat - Qazaqstandyq tennısshi, jıyrma jasar Zarına Dııas Strasbýrgte ótip jatqan iri halyqaralyq týrnırdi sátti bastady.
Qazaq qyzy birinshi aınalymda osy týrnırde úshinshi bolyp tirkelgen álemniń 22-inshi raketkasy, 28 jasar belgııalyq Krısten Flıpkensti 2 saǵat 2 mınýtqa sozylǵan tartysty kezdesýde 6:2, 6:7, 6:3 esebimen utty.
Ekinshi aınalymda Z.Dııas horvat qyzy Aıla Tomlıanovıchpen kezdesedi.
Qazirgi kezde álemdik reıtıngte 96-oryndaǵy Zarına úshin bul jarys ta mańyzdy.
