TENNIS: Qazaqstandyq Z.Dııas «Rolan Garros» týrnıriniń alǵashqy aınalymynda D.Pfıtsenmaıermen kezdesedi
ASTANA. QazAqparat - Qazaqstannyń birinshi, álemniń 32-inshi raketkasy Zarına Dııas 24 mamyrda Parıjde bastalatyn «Rolan Garros» týrnıriniń alǵashqy aınalymynda germanııalyq Dına Pfıtsenmaıermen kúsh synasady.
Chempıonat.kom saıtynan alynǵan málimetke qaraǵanda, D.Pfıtsenmaıer - irikteý saıystarynda úzdik shyqqan 12 tennısshiniń biri. Árıne, onyń reıtıngisi (germanııalyq tennısshi 142-inshi orynda tur) Zarınamen salystyrǵanda, áldeqaıda tómen bolǵanymen, mundaı iri týrnırde osal qarsylastyń bolmaıtyny belgili. Qazaqstannyń taǵy bir tennısshisi ıAroslava Shvedova álemniń 7-inshi raketkasy, kezinde dúnıejúzilik reıtıngtiń kóshbasynda bolǵan ataqty serbııalyq Ana Ivanovıchpen kezdesedi. Sol sekildi ıÝlııa Pýtıntsevaǵa da jerebe boıynsha serbııalyq tennısshi Aleksandra Krýnıch tústi.
Erler týrnırinde Mıhaıl Kýkýshkın Izraıl eliniń ókili Dýdı Selamen, irikteý saıystarynan negizgi týrnırge ótken Andreı Golýbev ıspandyq Tommı Robredomen kortqa shyǵady.
Aıta keteıik, tórt «úlken dýlyǵanyń» biri, ıaǵnı álem chempıonatymen teń sanalatyn «Rolan Garros» týrnıri eki aptaǵa sozylyp, 7 maýsymda márege jetedi. Ótken jylǵy týrnırde Zarına Dııas sol kezde reıtıngte besinshi (qazir tórtinshi) satyda turǵan chehııalyq Petra Kvıtovadan jeńilis taýyp, ekinshi aınalymǵa óte almaǵan bolatyn.
