Tennıs: qazaqstandyq ıÝ.Pýtıntseva Avstralııa chempıonatynda úshinshi aınalymnan asa almady
ASTANA. QazAqparat - Melbýrn qalasynda tennısten ótip jatqan Avstralııa ashyq chempıonatynyń úshinshi aınalymynda qazaqstandyq ıÝlııa Pýtıntseva reseılik Margarıta Gasparıanmen kúsh synasty.
Eki sportshynyń jastary shamalas. 1994 jylǵy M.Gasparıan dúnıejúzilik reıtıngte 58-inshi orynda tursa, jýyrda ǵana 21-ge tolǵan ıÝ.Pýtıntseva - álemniń 76-ynshy raketkasy.
Birinshi partııada birden eki breık jasaǵan reseılik tennısshi 4:0 esebimen alǵa shyqty. Budan keıin úsh geımdi óz paıdasyna jazǵan ıÝlııanyń esepti teńestiretindeı múmkindigi bolǵanymen, ony paıdalana almady. Sóıtip taǵy bir breıkke qol jetkizgen M.Gasparıan birinshi partııada 6:3 esebimen jeńiske jetti.
Ekinshi partııa da qazaqstandyq tennısshi úshin sátsiz bastaldy. Birden breık jasaǵan reseılik sportshy ózi dop bergen sátte de qatelespeı, 2:0 esebimen alǵa ketti. ıÝlııa esepti qysqartqanymen, Margarıta qaıtadan breık jasap, 4:1-ge jetkizdi. Degenmen qazaqstandyq tennısshi de qalyspaı, esepti qaıta 3:4-ke deıin qysqartty. Budan keıin qarsylastar óz geımderin bermeı, partııa 6:4 esebimen M.Gasparıannyń paıdasyna aıaqtaldy. Sóıtip ol saǵat jarymnan astam ýaqytqa sozylǵan kezdesýde eki partııada utyp ketti. Match barysynda ıÝ.Pýtıntseva keıbir sheshýshi sátterde qatelikterge boı aldyrdy. Tennıste bir ǵana sáttiń ózi keı kezde úlken ról atqarady.
Sonymen, Avstralııa birinshiliginde jekeleı synda Qazaqstannan eshkim qalǵan joq.
Eske sala keteıik, birinshi aınalymda ıÝ.Pýtıntseva álemniń burynǵy birinshi, qazirgi 18-inshi raketkasy, danııalyq Karolına Voznıatskıdi utyp, sensatsııa jasaǵan edi. ıÝ.Pýtıntsevanyń úshinshi aınalymǵa deıin jetýiniń ózi úlken tabys dep aıtýǵa bolady. Endi onyń reıtıngisi joǵarylap, Qazaqstannyń birinshi raketkasy atanýy ábden múmkin.
Batys Qazaqstan. QazAqparat.
