Tennıs: qazaqstandyq ıA.Shvedova Indıan-Ýellstegi týrnırdiń úshinshi aınalymyna shyqty
ORAL. QazAqparat - Qazaqstandyq tennısshi ıAroslava Shvedova AQSh-tyń Indıan-Ýells qalasynda ótip jatqan, júlde qory 6 mln. dollarǵa jýyqtaıtyn úlken týrnırde sátti óner kórsetýde.
Іrikteý jarysynan sátti ótken álemniń 64-shi raketkasy negizgi týrnırde de jeńisti jolyn jalǵastyrdy. Alǵashqy aınalymda ońtústikafrıkalyq, reıtıngte 74-shi satyda turǵan Shanel Shepersti 4:6, 6:4, 6:3 esebimen úshinshi partııada utqan ıAroslava búgin tań ata estonııalyq Kaııa Kanepımen kezdesti. Álemdik reıtıngte 26-oryndaǵy estonııalyq tennısshi áldeqaıda azýly oıynshy bolyp esepteledi. Soǵan qaramastan, qazaqstandyq tennısshi 6:3, 6:2 esebimen eki partııada basym tústi. Endi ıA.Shvedova serbııalyq jas oıynshy Boıana Iovanovskıdi utqan álemniń burynǵy birinshi raketkasy, danııalyq Karolına Voznıatskımen kezdesedi. ıAroslava ıspanııalyq Anabel Medına-Garrıgespen juptasyp óner kórsetýde de ekinshi aınalymǵa shyqty.
