Tennıs: qazaqstandyq tennısshilerdiń Dýbaı týrnırindegi qarsylastary belgili boldy
ASTANA. QazAqparat - Qazaqstandyq tennısshilerdiń Dýbaı týrnırindegi qarsylastary belgili boldy, dep habarlaıdy QazAqparat tilshisi.
Katardaǵy Doha týrnırinen keıin ile-shala ótetin bul jarystyń bási odan esh kem emes, tipti joǵary deýge bolady. Ekeýi de sanatyndaǵy WTA-nyń birinshi sanattaǵy týrnıri bolyp esepteledi.
Óıtkeni Dohadaǵy júlde qory 916 131 AQSh dollary bolsa, Dýbaıda odan birshama kóp. 2 mln 527,250 myń AQSh dollaryna baǵalanyp otyr.
Qazaqstannyń birinshi, álemniń 43-raketkasy ıÝlııa Pýtıntseva birinshi aınalymda Ýkraına eliniń ókili, reıtıngte 24-satydaǵy Lesıa Tsýrenkomen sheberlik baıqasady. ıÝ.Pýtıntseva Doha týrnırine qatyspasa, L.Tsýrenko ekinshi aınalymda álemniń 3-raketkasy, rýmynııalyq Sımona Halepke ese jiberdi. ıÝ.Pýtıntseva ekinshi aınalymǵa ótse, onda álemniń 21-raketkasy, belgııalyq Elıza Mertens nemese qytaılyq, irikteý saıysynda joly bolǵan reıtıngte 108-satydaǵy Lın Chjýdiń birimen kortqa shyǵady. Dohada senbi kúni márege jetken fınalda dúnıejúzilik reıtıngte sońǵy jyldary kósh bastap, tek Aýstralııa ashyq chempıonatynan keıin úshinshi orynǵa syrǵyp ketken S.Haleptiń ózin tize búktirgen E.Mertens óz sporttyq jolyndaǵy eń iri jeńisine qol jetkizdi. Endi ol Dýbaıda da aıanyp qalmasy anyq.
Álemdik reıtıngte 96-orynda turǵan taǵy bir qazaqstandyq Zarına Dııas Dýbaı týrnırine irikteý saıystary jeńimpazdarynyń biri retinde qosylyp otyr. Zarına alǵashqy kezdesýin reıtıngte ózinen on saty joǵary turǵan, slovenııalyq Dalıla ıAkýpovıchpen kúsh synasady. Ol irikteý saıysynyń fınalynda amerıkalyq Djennıfer Bredıden jeńilip qalǵanymen, negizgi týrnırge arnaıy shaqyrtý aldy.
Z.Dııas D.ıAkýpovıchti utsa, onda ekinshi aınalymda álemniń 6-raketkasy, germanııalyq Anjelıka Kerbermen kúsh synasady. A.Kerber Doha týrnıriniń jartylaı fınalynan keri qaıtty.
24 aqpanda márege jetetin Dýbaı týrnırine álemniń 1 jáne 2-raketkalary, japonııalyq Naomı Osaka, chehııalyq Petra Kvıtova bastaǵan myqty tennısshiler qatysyp, baq synaıdy. Olardyń arasynda 2018 jylǵy osy týrnırdiń jeńimpazy, ýkraınalyq, álemniń 7-raketkasy, Dohada S.Halepten asa tartysty matchta utylyp, fınalǵa shyǵa almaǵan Elına Svıtolına da bar.
Sonymen qatar erler arasynda Qazaqstannyń birinshi, álemniń 53-raketkasy Mıhaıl Kýkýshkınniń Marsel (Frantsııa, júlde qory - 668 485 eýro) týrnırindegi qarsylasy anyqtaldy. Ol birinshi aınalymda reıtıngte ózinen on saty tómen turǵan amerıkalyq Denıs Kýdlanyń shamasyn baıqap kóredi. Ony utqan jaǵdaıda álemniń 25-raketkasy, kanadalyq Denıs Shapovalovpen joly toqaılasady.
Eske sala keteıik, budan buryn Mıhaıl Kýkýshkınniń Rotterdam týrnıriniń shırek fınalyna shyǵa almaǵanyn, al Zarına Dııastyń Dýbaı týrnıriniń irikteý saıysyn sátti bastap, keıin negizgi jarysqa joldama alǵanyn jazǵan bolatynbyz.
