Tennıs: Qazaqstandyq Elena Rybakına Palermo týrnırine qatysady
NUR-SULTAN. QazAqparat – Palermo (Italııa) týrnırin uıymdastyrýshylar qatysýshylardyń aldyn ala tizimin jarııa etti, dep habarlaıdy QazAqparat tilshisi.
Júlde qory 250 myń AQSh dollarynan asatyn atalǵan doda 3-9 tamyz aralyǵynda ótedi.
Qatysýshylar arasynda Qazaqstannyń birinshi, álemniń 17-raketkasy Elena Rybakına bar.
WTA jarysyna sondaı-aq álemniń 11-raketkasy Arına Sobolenko (Belarýs), Daıana ıAstremskaıa (Ýkraına), Marketa Vondroýshova (Chehııa), Anastasııa Sevastova men Elena Ostapenko (ekeýi de Latvııa), Alıze Korne (Frantsııa), Ekaterına Aleksandrova, Svetlana Kýznetsova, Veronıka Kýdermetova, Darıa Kasatkına (bári de Reseı) jáne basqa tennısshiler qatysatynyn málimdedi.
Bul indetke baılanysty bıylǵy naýryzda toqtatylǵannan keıingi alǵashqy iri týrnır bolmaq. Sodan keıin úsh Masters, US Open jáne «Rolan Garros» jarystaryn ótkizý josparlanyp otyr.
Eske sala keteıik, budan buryn tennısten Devıs jáne Federatsııa kýbogynyń fınaly kelesi jylǵa qaldyrylǵanyn jazǵan bolatynbyz.
