Tennıs: qazaqstandyq Dmıtrıı Popko AQSh týrnıriniń fınalyna shyǵa almady
NUR-SULTAN. QazAqparat – Qazaqstandyq Dmıtrıı Popko Sharlottsvıll (AQSh) chellendjer týrnıriniń fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 212-orynda turǵan D.Popko jartylaı fınalda osy jarystyń birinshi, álemniń 99-raketkasy, kanadalyq Breıden Shnýrmen kezdesti.
Qazaqstandyq tennısshi birinshi partııada breıkpen alǵa shyqty. Aqyry sol basymdylyǵyn ýysynan shyǵarǵan joq – 6:3.
Esesine ekinshi sette kanadalyq sportshy 3:0 esebimen alǵa ketti. B.Shnýr taǵy bir breık jasaı aldy – 6:1.
Úshinshi, sheshýshi partııada B.Shnýr aldymen breık jasaǵanymen, D.Popko teńestire bildi – 2:2. Kanadalyq tennısshi taǵy bir breıkpen alǵa shyqty – 4:2. Sodan keıin matchty jeńispen aıaqtady – 6:4.
Tartysty báseke 1 saǵat 55 mınýtqa sozyldy.
Eske sala keteıik, budan buryn D.Popkonyń AQSh-taǵy týrnırdiń jartylaı fınalyna shyqqanyn jazǵan bolatynbyz.
