Tennıs: Qazaqstan jasóspirimder quramasy Qytaıdy jeńdi

ShYMKENT. KAZINFORM – Shymkent qalasynda 16 jasqa deıingiler arasynda Devıs kýbogy Azııa – Tynyq muhıt aımaǵy boıynsha irikteý týrnıriniń toptyq básekeleri aıaqtaldy. 

Qazaqstan quramasy A tobyndaǵy sońǵy kezdesýinde Qytaı komandasyn 3:0 esebimen jeńdi. 

Aldymen Damır Jalǵasbaı Lıang Lıangty 7:6 (7:0), 6:2 esebimen qapy qaldyrdy. Al, Zańǵar Nurlanuly Kong Veıden 7:5, 6:3 esebimen basym tústi. Juptyq synda Danıel Tazabekov pen D.Jalǵasbaı juby Lıang – Jen dýetin jeńdi - 6:4, 6:3.

Osylaısha, qazaqstandyqtar óz tobynan shırek fınalǵa birinshi orynmen shyqty. Alaıda jerebe qorytyndysyna sáıkes Qazaqstan quramasyna azýly qarsylas tap boldy.

23 mamyr kúni Sergeı Kvaktyń shákirtteri jasóspirimder arasynda Devıs kýbogynyń alty dúrkin chempıony Aýstralııamen oınaıdy. Ótken jyly da qos qurama kezdesip, onda qazaqstandyqtar 2:0 esebimen jeńiske jetken edi.

Shırek fınalyna sondaı-aq myna quramalar kezdesedi: Koreıa – Gonkong, qytaılyq Taıbeı – Úndistan, Japonııa – Qytaı.

Eske sala keteıik, budan buryn tennısten álem chempıonatynda Qazaqstan jasóspirimder quramasynyń irikteý jarysynyń shırek fınalynda oınaıtynyn jazǵan bolatynbyz.