Tennıs: Qazaqstan jasóspirimder quramasy Nıý-Delıde besinshi orynǵa taban tiredi
NUR-SULTAN. QazAqparat – Qazaqstan jasóspirimder quramasy Nıý-Delıde (Úndistan) márege jetken Bıllı Djın Kıng kýbogynyń (álem chempıonaty) irikteý saıysynda besinshi orynǵa ıe boldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qyzdar besinshi saty úshin básekede Gonkong quramasyn 2:0 esebimen utty.
Qazaqstan quramasy sapynda Aııa Nupbaı, Asyljan Arystanbekova jáne Karına Jumajanova oınady.
«Jalpy, qyzdar jaqsy óner kórsetti. Shırek fınalda jerebe joldas bolmaı, Aýstralııaǵa tap keldik. Keıin aýstralııalyqtar osy irikteý saıystarynyń jeńimpazy atandy. Budan bylaı da sheberligimizdi ushtaı túsetin bolamyz. Barlyq matchqa otbasylarymen kelip, qoldaý kórsetken Qazaqstannyń Úndistandaǵy elshiligi qyzmetkerlerine alǵysymdy aıtqym keledi», dedi komanda kapıtany ıAroslava Shvedova.
Eske sala keteıik, budan buryn Aleksandr Býblıktiń Monte-Karlo masters týrnırindegi qarsylasy anyqtalǵanyn, Zańǵar Nurlanulynyń Portýgalııadaǵy jarystyń fınalyna shyqqanyn jazǵan bolatynbyz.
Sondaı-aq Anna Danılına Charlston týrnırinde jartylaı fınalǵa shyǵa almady.
