Tennıs: Qazaqstan jasóspirimder quramasy Devıs kýbogynyń irikteý kezeńine joldama aldy
NUR-SULTAN. QazAqparat – Shrı-Lankada 16 jasqa deıingi ulttyq quramalar arasynda Juniors Davis Cup irikteý kezeńi aldyndaǵy jarys márege jetti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, ulttyq qurama kapıtany Jansultan Chembotev bastaǵan oıynshylar Damır Qaldybekov, Ámir Omarhanov jáne Vıtalıı Zatsepın aldymen Malaızııany 3:0 esebimen oısyrata utty.
Sodan keıin dál sondaı eseppen Iraktan aılasyn asyrdy. Shırek fınalda qazaqstandyq jasóspirimder Monǵolııany tize búktirdi – 3:0.
Vetnammen jartylaı fınaldyq match tartysty ótti. Áýeli Á.Omarhanov Ngýendi jeńdi – 6:4, 6:2. Áıtse de D.Qaldybekovti 6:2, 6:1 esebimen qapy qaldyrǵan Fam La Hýng tarazy basyn teńestirdi – 1:1. Degenmen juptyq kezdesýde Á.Omarhanov pen V.Zatsepın fınalda joldama áperdi.
Fınalda Qazaqstan quramasy 0:2 esebimen Irannan utyldy. V.Zatsepın Gavamǵa 5:7, 7:6, 3:6, Á.Omarhanova Rahmanıge 5:7, 2:6 esebimen ese jiberdi.
Soǵan qaramastan, Qazaqstan jasóspirimder quramasy sáýir aıynda osy Shrı-Lankada ótetin Devıs kýbogynyń irikteý kezeńine joldama aldy.
Eske sala keteıik, budan buryn Denıs Evseev elorda týrnıriniń jartylaı fınalyna shyqqanyn jazǵan bolatynbyz.
D.Evseev jartylaı fınalda chehııalyq Davıd Polıaktan utylyp qaldy.
