Tennıs: Qazaqstan jasóspirimder quramasy Aýstralııaǵa jol berdi
NUR-SULTAN. QazAqparat – Nıý-Delı (Úndistan) qalasynda ótip jatqan Juniors Billie Jean King Cup irikteý saıystarynyń shırek fınalynda Qazaqstan jasóspirim qyzdar quramasy Aýstralııamen kezdesti, dep habarlaıdy QazAqparat tilshisi.
Qazaqstan tennıs federatsııasy málim etkendeı, Aııa Nupbaı men Asyljan Arystanbekova jekeleı synda qarsylastarynan utylyp qaldy.
Juptyq synda jeńilip jatqan aýstralııalyqtar básekeni jalǵastyrýdan bas tartty.
Soǵan qaramastan, olar 2:1 esebimen jeńiske jetip, irikteý saıystarynyń jartylaı fınalyna joldama aldy.
Endi aldaǵy dúısenbide Nıý-Delıde 16 jasqa deıingiler arasynda Devıs kýbogynyń irikteý saıystary bastalady.
Qazaqstan namysyn Danır Qaldybekov, Ámir Oralhanov jáne Vıtalıı Zatsepın qorǵaıtyn bolady. Kapıtany – Jansultan Chembotaev.
Eske sala keteıik, buǵan deıin qazaqstandyq tennısshilerdiń Marokkodaǵy jarystyń shırek fınalyna shyqqanyn jazǵan bolatynbyz.
Elena Rybakına AQSh-taǵy týrnırdiń úshinshi aınalymyna óte almady.
