Tennıs: Qazaqstan - Úndistan matchynda esep teńesti
ASTANA. QazAqparat - Nıý-Delı qalasynda Federatsııa kýbogy úshin ótip jatqan básekede qazaqstandyq ıÝlııa Pýtıntseva úndistandyq Ankıta Raınamen kúsh synasty, dep habarlaıdy «QazAqparat» tilshisi.
Budan buryn Qazaqstannyń birinshi raketkasy bolǵan ıÝ.Pýtıntseva osy apta basynda jańartylǵan dúnıejúzilik reıtıngte 81-inshi satyǵa syrǵyp ketse, úndistandyq tennısshi 253-inshi orynda keledi. Mundaı aıyrmashylyqqa qaramastan, match tartysty órbidi.
Birinshi taımda A.Raına 6:3 esebimen basym tústi. Ekinshi partııany ıÝlııa 6:1 esebimen bet qaratpaı utty.
Úshinshi, sheshýshi partııada qazaqstandyq tennısshi 3:1 esebimen alǵa shyqqanymen, sol basymdylyqty saqtaı almady. Úsh geımdi qatarynan utqan kort ıesi esepti 4:3-ke jetkizdi. Budan soń da onyń breık jasaıtyndaı múmkindigi boldy. Degenmen, ıÝ.Pýtıntseva tarazy basyn teńestire aldy. Áıtse de esep 5:4 bolyp turǵan kezde úndistandyq sportshy birinshi matchbolyn sátti paıdalana bildi. Osylaısha, ol 6:4 esebien jeńiske jetti. Tartysty oıyn 2 saǵat 26 mınýtqa sozyldy.
Sóıtip Úndistan - Qazaqstan matchynda esep teńesti: 1:1.
Eske sala keteıik, búgin Úndistanmen alǵashqy kezdesýde Qazaqstannyń birinshi, álemniń 55-inshi raketkasy Zarına Dııas Karman Kaýr Thandıdi 6:3, 6:2 esebimen jeńgen bolatyn.
Endi juptyq kezdesýde Qazaqstannan Gózal Aınıtdınova men Jibek Qulambaeva, Úndistannan Ankıta Raına men Prathana Thombare kortqa shyǵady. Osy básekede utqan tennısshiler óz eline jeńis áperedi.
