Tennıs: Qazaqstan - Shveıtsarııa kezdesýinde oınaıtyn tennısshilerdiń esimderi anyqtaldy
ASTANA. Qyrkúıektiń 16-sy. QazAqparat /Jasulan Amanbaıuly/ - Erteń, Astanadaǵy Ulttyq tennıs ortalyǵynda «Devıs kýbogy» álemdik tobynyń pleı-off synynda Egor Shaldýnov jattyqtyratyn Qazaqstan quramasy óz kortynda shveıtsarııalyq sportshylardy qabyldaıtyn bolady.
Búgin soǵan oraı, jýrnalısterdiń qatysýymen bolǵan máslıhat barysynda saltanatty jerebe tartý rásimi ótip, aldaǵy oıyndarda kezdesetin qarsylas juptar anyqtaldy.
Erteń, qyrkúıektiń 17-de ashylý saltanatynan keıin, alǵashqy kezdesýde Andreı Golýbev pen Marko Sıýdınellı raketka túıistiredi. Sodan soń Mıhaıl Kýkýshkın men Stanıslas Vavrınka juby kúsh synasatyn bolady.
«Men Sıýdınellımen aradaǵy kezdesýge daıynmyn», deıdi A.Golýbev.
A.Golýbev osy úsh kún aralyǵynda ótetin «Devıs kýbogy» álemdik tobynyń pleı-off kezeńinde jeńiske jetý Qazaqstan quramasy úshin óte mańyzdy ekendigin atap kórsetti. «Biz álemdik topqa shyǵýǵa talpynyp júrmiz. Biz úshin jáne el úshin bul óte mańyzdy», deıdi qazaqstandyq tennısshi.
Saıystyń ekinshi kúninde juptyq match ótedi. Evgenıı Korolev pen ıÝrıı Şıýkın juby shveıtsarııalyq Mıshel Lammer jáne Iv Allegromen oınaıdy.
Korolev pen Şıýkın juby kóp matchtarda óner kórsetip, jaqsy nátıjelerge qol jetkizip júr. Sonyń ishinde jaqynda ǵana Shveıtsarııadaǵy týrnır. «Biz bir-birimizdi jaqsy túsinemiz. Aldaǵy matchtyń ońaı soqpasy anyq. Oǵa biz tolyq daıynbyz», deıdi ıÝ.Şıýkın.
Jarystyń sońǵy kezeńinde A. Golýbev S. Vavrınkamen kezdesedi. Al M. Kýkýshkın M. Sıýdınellımen baq synasady.
Aıta keteıik, «Devıs kýbogynyń» pleı-off kezeńine Qazaqstan quramasy matchtar serııasy boıynsha qytaılyq sportshylardy 4:1 esebimen utyp shyqqan edi. Onda komandaǵa jeńisti Andreı Golýbev, Mıhaıl Kýkýshkın jáne ıÝrıı Şýkın syılaǵan bolatyn.
