Tennıs: Qazaqstan-Nıderlandy matchynda Býblık esepti teńestirdi
NUR-SULTAN. QazAqparat - Elordada ótip jatqan Devıs kýbogy irikteý kezeńinde Qazaqstan - Nıderlandy matchynda Aleksandr Býblık esepti teńestirdi, dep habarlaıdy QazAqparat tilshisi.
Ekinshi oıynda Qazaqstannyń birinshi, álemniń 51-raketkasy A.Býblık reıtıngte 196-orynda turǵan Tallon Grıkspýrmen kezdesti.
Birinshi partııa taı-breıkke deıin sozylyp, onda qazaqstandyq tennısshi jeńiske jetti - 7:6 (7:4).
Ekinshi sette Býblık 2:0 esebimen alǵa shyqqanymen, Grıkspýr tarazy basyn teńestirdi. Degenmen taǵy da taı-breıkte Býblık esesin jibermedi - 7:6 (7:4).
Básekege eki saǵatqa sozyldy.
Osylaısha Qazaqstan - Nıderlandy matchynda esep teńesti - 1:1.
Match jeńimpazy erteń anyqtalyp, Devıs kýbogynyń fınaldyq týrnırine joldama alady.
Eske sala keteıik, budan buryn Qazaqstannyń alǵashqy oıynda ese jibergenin jazǵan bolatynbyz.
