Tennıs: Qazaqstan quramasynyń kapıtany aýysty
NUR-SULTAN. QazAqparat – Tennısten Qazaqstan quramasynyń kapıtany aýysty, dep habarlaıdy QazAqparat tilshisi.
Qazaqstan tennıs federatsııasynyń prezıdenti Bolat Ótemuratovtyń sheshimimen aldaǵy jyly Devıs kýbogynda el quramasyna Dıas Dosqaraevtyń ornyna ıÝrıı Şýkın jetekshilik etetin bolady.
Qazaqstan tennıs federatsııasy málim etkenindeı, Bolat Jamıtuly Qazaqstan erler quramasyn jeti jyl boıy basqarǵan Dıas Dosqaraevqa alǵysyn bildirdi.
Sonymen qatar D.Dosqaraevtyń uıymnyń vıtse-prezıdenti retinde kóptegen ákimshilik máselelerin sheshýge týra keletini aıtyldy.
ıÝrıı Şýkın – sport sheberi, Qazaqstan tennıs federatsııasynyń aǵa bapkeri. Qazaqstan erler quramasynyń Devıs kýbogy matchtaryna ózi de qatysqan ol sońǵy alty jyl boıy jattyqtyrýshylyq jumyspen aınalysyp keledi. Ásirese, juptyq synda óner kórsetetin Andreı Golýbev pen Aleksandr Nedovesovti baptaýda.
ıÝ.Şýkın aldaǵy jyly 6-7 naýryzda Nur-Sultan qalasynda Qazaqstan quramasy Devıs kýbogynyń irikteý matchynda Nıderlandyny qabyldaǵan kezde kapıtandyq tizgindi qolǵa almaq.
Aıta keteıik, qazaqstandyq tennısshiler Aleksandr Býblık pen Mıhaıl Kýkýshkınniń jańartylǵan reıtıngte burynǵy oryndary ózgergen joq. Sáıkesinshe 56-ynshy jáne 67-satyda keledi. Al taǵy bir qazaqstandyq Dmıtrıı Popko 187-den 186-ǵa kóterildi.
Áıelder arasynda ıÝlııa Pýtıntseva 34-ornynda qalsa, Elena Rybakına bir satyǵa (37-ge) tómendedi. Zarına Dııas burynǵy 77-ornynda keledi.
Qazirgi kezde jańa maýsymǵa daıyndalyp jatqan tennısshiler aldaǵy qańtar aıynda-aq týrnırlerge qatysa bastaıdy.
